FreeStyle

Would you like to react to this message? Create an account in a few clicks or log in to continue.

3 posters

    Jou blou

    AmmieMoon
    AmmieMoon


    Location | Ligging : Saldanhabaai
    Posts | Bydraes : 413
    Points | Punte : 689
    Join date | Datum aangesluit : 2011-08-28
    Age | Ouderdom : 25

    Jou blou Empty Jou blou

    Post by AmmieMoon Fri 09 Mar 2012, 7:56 pm



    jy blou
    teen my

    waar jy presies vandaan gekom het
    weet ek nou nog nie -
    'n uil in die sipres het gebuik 'hoe' 'hoe'
    en ek het by myself gedink
    ' ek het geen fokken clue nie '

    skemer was bleker as voorheen
    en ou sonstrepe het nog vaagweg
    teen die horison geteem

    die maan het haarself moeisaam
    teen my einders opgehys
    so asof sy jou koms wou verkondig,
    jou witskrif teen my naghemel wou wys

    naïef het ek koffie vir een
    in my polka dot beker voorberei,
    onbewus van jou groue en bloue wat
    (tussen fyn gekerfde lagplooitjies)
    wag op my

    vanaand staan ek
    met 'n gepoleerde glashout hart in my hand
    en tooi my hare en lyf met die hemel,
    met water, met lelies en met jou

    want nou blou jy
    teen my.

    © 2012 Almarie Truter
    SWERWER
    SWERWER


    Location | Ligging : Pretoria
    Posts | Bydraes : 148
    Points | Punte : 163
    Join date | Datum aangesluit : 2011-09-06
    Age | Ouderdom : 67

    Jou blou Empty Re: Jou blou

    Post by SWERWER Wed 14 Mar 2012, 1:19 am

    My Liewe Ammie,

    ' ek het geen fokken clue nie ' het my nou al vir die afgelope 10 minute aan die giggel. Ek weet as jy begin skilder in blou gaan dit net goed.

    Ek hou vreeslik baie van die werk wat jy deesdae skryf. Dis ryk en geinspireerd en vol maan talent!

    Blou voort!!

    SWERWER
    anderkant
    anderkant


    Location | Ligging : Port Elizabeth
    Posts | Bydraes : 342
    Points | Punte : 382
    Join date | Datum aangesluit : 2011-09-04
    Age | Ouderdom : 47

    Jou blou Empty Re: Jou blou

    Post by anderkant Wed 14 Mar 2012, 3:08 pm

    Pragtige vers Ammie. Jy blou teen my, ja, nou blou jy teen my... skielik is blou alles behalwe blou en kleur jy met subtiele nuanses die doek in die gees van elke hart se eie palet. Skitterend gedoen.

    Sponsored content


    Jou blou Empty Re: Jou blou

    Post by Sponsored content


      Current date/time is Thu 28 Mar 2024, 5:42 pm