Gevange

GEVANGE

Diep binne my wese
'n gevangene uit eie keuse
verbind tot hierdie stuk vlees
die een wat ek altyd sal wees

daagliks sal my siel
my geboë hou
ek sal altyd kniel
my liggaam gebroke
my woorde uit gesproke

deur tyd en mense verniel
word soms oordonder
die duiwel jaag van onder
soekend na my siel

met woord en lied
niks in die lewe verniet
straks, na geluk volg ongeluk
na dood soos 'n ster verskiet

in my wese gevange
dwaal rond in my binnegange
oorgegee aan lewensdrange
aan die einde gaan alles tot niet

© Barend van Huysen