In nagtelikeure se donker
deur drome versluier
is ek net ‘n sagte asem
knuskussing by jou kuier
vertroetel in warmte
wat om jou lyf speel
met veertjiefyn kalmte
jou lippe saggies streel
waar jy diep in droomland
flankeer, woel en dwaal
in jou oor geheime fluister
wiegend soos jy asemhaal
dans ek stilletjies oor jou oë
flikkerend in newel van slaap
tydig, ruiterlik, goed oorwoë
wakker, dromend aan jou vergaap
jou gelaat, glimlaglyne, ooggeplooi
onbewus ek is hier, by jou, so digby
bewus van innigheid en siel so mooi
kreunend, kruip nagbesoek verby
nog een laaste pikkie op jou wang
bewonderend oë weer oor jou vly
droom vervullende nuwe lewensdrang
in ontwakingsoomblik buitesig weggly.
2012/03/12 Joan Lotz
deur drome versluier
is ek net ‘n sagte asem
knuskussing by jou kuier
vertroetel in warmte
wat om jou lyf speel
met veertjiefyn kalmte
jou lippe saggies streel
waar jy diep in droomland
flankeer, woel en dwaal
in jou oor geheime fluister
wiegend soos jy asemhaal
dans ek stilletjies oor jou oë
flikkerend in newel van slaap
tydig, ruiterlik, goed oorwoë
wakker, dromend aan jou vergaap
jou gelaat, glimlaglyne, ooggeplooi
onbewus ek is hier, by jou, so digby
bewus van innigheid en siel so mooi
kreunend, kruip nagbesoek verby
nog een laaste pikkie op jou wang
bewonderend oë weer oor jou vly
droom vervullende nuwe lewensdrang
in ontwakingsoomblik buitesig weggly.
2012/03/12 Joan Lotz