Wispelturig.

Wind speel tergend in blare
wispelturige nagsimfonie
vat-vat liggies aan my hare
sag vingerpuntige melodie
slingerswaaiend tiktak tree
trippetrappetrone harmonie
wange bloesendrooi, verleë
piksoen, oorfluistersinnetjie
hoendervleisrippellende weë
oor my hele lyf herfspore knie
drup-drup waterval handgevee
arm-om-die-lyf tot ver na drie
dwalend liefdesgange se alleë
vou vlegbeen seinboodskappie
hunkerlip voel-voel toegeneë
vroetelvryerig labirint-euforie
deinend, golwend na sluimersee
spontaan, sonoriese eskalasie
vertroulike weg van neem, gee
oorgang na gerigte destinasie
liefdesaanspreeklikheid gedweë

2012/08/2012 Joan Lotz