Liefdesroep van die see

Laatmiddag turend oor oseaan
peinsend gedagtes oor jou gaan
liefde het onverwags kom kuier
hoop die keer dit langer sal luier

sien die erns in jou diepbruin oë
keer jy my wese heel onderstebo
voel in die wind jou arms om my
kom jou stem aangerol met die gety

jou asem sagwarm in my nek blaas
binne my deinende branders raas
rolmaal golwe my hart tot by jou
snoesig in liefdeskombers toegevou

warrelwind jou styf teen my aandruk
lustig ondeund aan my wese plukpluk
son het oor die see reeds ondergegaan
wil my pad wesenlik na jou terugbaan
2012/02/24 Joan