'n krop vol wit

    Share
    avatar
    AmmieMoon

    Location | Ligging : Saldanhabaai
    Posts | Bydraes : 413
    Points | Punte : 689
    Join date | Datum aangesluit : 2011-08-28
    Age | Ouderdom : 18

    'n krop vol wit

    Post by AmmieMoon on Wed 07 Mar 2012, 12:24 pm

    vanmôre soek ek troos in 'n wit son
    wat opwip uit 'n ander land se bodem
    om my te verblind met die afstand tussen ons;

    ek wil glo dat die lappe see tussen my en jou
    in eiesoortigheid van glas en wonders blou,
    dat tornyne op jou horison ons versugtings
    bloots ry en dat jy, dat jy geen kleure spaar
    in jou drome oor my nie

    die maan hang soos lood tussen my borste
    en brand gate van ys waar my oë staar
    na 'n oseaan wat hortend hyg na my warm lyf -
    my lyf wat soos wondroos ontspring in
    gedagtes oor jou;

    sal jy vandag 'n meeu na my kuslyn vol
    stormskade stuur
    met 'n krop vol blinkertjies en (as jy dit kan inpas)
    'n botteltjie gevul met jou asem ?

    kyk, wilde heuning drup uit my lende
    en hierdie wit son smeer vanmore my verlange
    teen deurkosyne en vensterrame
    nog is het einde niet hierdie seer verdriet
    van dae sonder jou

    vandag stapel ek my verlange op 'n silwer bord,
    sier dit met aarbeie en sproeiertjies somer
    en kou langsaam tot skemerte my
    onder hierdie bloeiende son kom uithaal.

    © 2012 Almarie Truter


    _________________
    Ammie Moon
    avatar
    SWERWER

    Location | Ligging : Pretoria
    Posts | Bydraes : 148
    Points | Punte : 163
    Join date | Datum aangesluit : 2011-09-06
    Age | Ouderdom : 61

    Re: 'n krop vol wit

    Post by SWERWER on Wed 07 Mar 2012, 12:50 pm

    Ammie,

    Ek dink Hoogliedere sou nie afgeskeep gewees het nie as hierdie werk daar verskyn het. Wat n pragtige verlangende liefdeslied om aan iemand op te dra. Ek is so bly dat daar n nuwe Muse by jou kom aanklop het en vir jou sulke kragtige stukrag en inspirasie gegee het.

    Die maan pronk vol in die Weskus en ek is bly en opgewonde vir jou!

    SWERWER

      Current date/time is Thu 27 Jul 2017, 7:31 am