jangroentjie hang aan 'n wilde dagga blom
met vlerke wat bottelgroen fladder
in die vroegoggend son
(soos die nadraai van 'n orgasme)
die immersoet druip teen 'n pyporrel snawel
toe hy nektar deps
uit 'n blomkelk se nawel
(soos die klamte tussen dye)
slingerswaai kriewels tussen stingel en blaar
waar hy douvars koketteer
in snak-strale baljaar
(soos jubelende tepels)
hy sluk nog vir oulaas
toe morestond hom sus
teen haar geswolle lippe.
© 2012 Almarie Truter