Spikkelwese

Anderkant nooitgedagt
waar geloof en genade ontmoet
daar waar hoop nooit beskaam
’n stille wete met verloop van bloed

soos die dag van gister
wat nie meer hier hoort
sypel twyfel deur die krake
en gaan met vrees akkoord

in die landskap van my hart
lê die berge nogsteeds so blou
smekend om vergifnis vir my menslikheid
ek, die spikkelwese, sal bly vertrou

Pragtig gestel Bobette. Net 'n vragie: Jy verwys na die plek Nooitgedagt (wat opsigself betekenes het)...Verwys dit na Nooitgedacht (dalk 'n plaas) in die Noordwes of Kaapprovinsie? Sal interessant wees om te weet.

Dankie vir jou lees en kommentaar.
Mmmmmm.....eintlik 'verduidelik' ek nie regtig my skrywe nie, want daar is soveel dieper nuanses en betekenisse vir my persoonlik.
Om terug te kom na jou vraag - en dit ook tog NIE te beantwoord nie....
Ek is oorspronklik van die Wes Kaap, Robertson grootgeword, Stellenbosch geswot - so ja -ek was al op Nooitgedagt buite Stellenbosch. En tog, is dit nie werklik waarna ek verwys nie. Jy sal merk dat nooitgedagt nie met 'n hoofletter geskryf is nie. Dus, is dit vir die leser om self te besluit. Dalk het ek net bedoel dat dit is iets wat ek nooit gedink het sal met my gebeur nie?! SMILE Of dalk is dit dalk 'n ander plaas (of plek) waar ek al was of NIE was nie?!
Mooi bly!