Lottering loop onverhoeds
die woestheid binne
waar branders rotse maal
al hewiger
soos water in ʼn bord
wat al erger kantel
maar die diepsee soos die wysheid
loop rustig aan en aan
langs dolfynepad gebaan
tot by robyn en roospienk
op lila waar die son val
ek kyk met onvolmaakte oë
na U volmaaktheid
en die skouspel maak my bang
om beter te kan sien
maar tog opgewonde
oor dit wat nog sal kom
uiteindelik
© Torm 1991