Nuwe lig

    Share
    avatar
    AmmieMoon

    Location | Ligging : Saldanhabaai
    Posts | Bydraes : 413
    Points | Punte : 689
    Join date | Datum aangesluit : 2011-08-28
    Age | Ouderdom : 18

    Nuwe lig

    Post by AmmieMoon on Sun 05 Feb 2012, 2:25 am



    dag het leeggeloop en lou lig kleef traag
    aan randstene voor haar huis
    die oseaan haal rustig asem waar dit veraf
    teen platgetrapte duine suis

    haar voete ken die roete na windstil skuilings
    waar die baai se arm krom
    die holtes waar ook meeue skrop
    na 'n dag vol veertien-uur-son

    sy nestel teen skemer se kromgetrekte rug
    met ou seer in haar hand
    voel 'n roering in haar binneste (raar en nuut)
    wat suutjies met haar praat

    die aandwind skuifel-skuur sy slentergang
    woel haar vuisvoos hart na bo
    in die glans van fosfor branders
    begin sy weer in liefde glo.


    © 2012 Almarie Truter


    _________________
    Ammie Moon

      Current date/time is Thu 27 Jul 2017, 7:35 am