vadergod het
my, glo vir jou
met die hand selwers uitgekies
as agape-offerlam, verdwaald
afgespoor tussen naeltjie en lies
op die maat van verlokkende lier
en die klaag-roep van Dawidpsalm
het jy my rede met klank van
triomfantelike oorwinnaars-sjofar
tot in doofheid en stomte vergalm
soos n willose star-oog ooi
met jou toorstaf afgevorteks
in die laberint van brute verleiding
het ek soos Daniel na die leeu gekyk
met n God-sal-my-red verblyding
jou naakte onheilspellende
groeiende ontvanklikheid
gesien, toe met verbystering
hopend bly staar en staar
in afwagting op die gru-teistering
kopklemme oor die (on) moontlikheid
van bok wat met skaap gaan wil paar
nie eens die kilheid van die koue klip
van die voorbereide offer-altaar
kon die duiselingwekkende hoog
in my kop tot kalme denke laat bedaar
ek wil roep, gil, skree
"Noag stuur asseblief
n andersoortige witte duif
wat my opolyftak-vlerke na
veiliger terroir kon verskuif!"
nie eens gedagtes
aan elke vrome engel
dissipel, priester of profeet
wou my WIL laat werk
ek hoor ver weg die bengel
van klepels wat galm
"Vader Jakob"
vanuit die ruine van
die ineengestorte kerk
ek spartel futiel-angstig
en spoeg woordkartetse
toe ek die swoelheid merk
(my EK veg magteloos, kwaad)
oor my liggaam se glib-blinke
verdoemende slakspoor-verraad
en iewers daar doer ver
hoor ek Isak se instaanbok-bler
maar anders
as met hom....
het daar
vir mygeen
verlossingslam gekom....
(EMH)~2011
Kopiereg voorbehou
my, glo vir jou
met die hand selwers uitgekies
as agape-offerlam, verdwaald
afgespoor tussen naeltjie en lies
op die maat van verlokkende lier
en die klaag-roep van Dawidpsalm
het jy my rede met klank van
triomfantelike oorwinnaars-sjofar
tot in doofheid en stomte vergalm
soos n willose star-oog ooi
met jou toorstaf afgevorteks
in die laberint van brute verleiding
het ek soos Daniel na die leeu gekyk
met n God-sal-my-red verblyding
jou naakte onheilspellende
groeiende ontvanklikheid
gesien, toe met verbystering
hopend bly staar en staar
in afwagting op die gru-teistering
kopklemme oor die (on) moontlikheid
van bok wat met skaap gaan wil paar
nie eens die kilheid van die koue klip
van die voorbereide offer-altaar
kon die duiselingwekkende hoog
in my kop tot kalme denke laat bedaar
ek wil roep, gil, skree
"Noag stuur asseblief
n andersoortige witte duif
wat my opolyftak-vlerke na
veiliger terroir kon verskuif!"
nie eens gedagtes
aan elke vrome engel
dissipel, priester of profeet
wou my WIL laat werk
ek hoor ver weg die bengel
van klepels wat galm
"Vader Jakob"
vanuit die ruine van
die ineengestorte kerk
ek spartel futiel-angstig
en spoeg woordkartetse
toe ek die swoelheid merk
(my EK veg magteloos, kwaad)
oor my liggaam se glib-blinke
verdoemende slakspoor-verraad
en iewers daar doer ver
hoor ek Isak se instaanbok-bler
maar anders
as met hom....
het daar
vir mygeen
verlossingslam gekom....
(EMH)~2011
Kopiereg voorbehou