Diep Uitgehaal

In jou totale verslawing,
gestroop van emosies en beskawing...
Jou siel, hart en liggaam verkwansel
leeg, doelloos, vasgevang en sonder beginsel...
Dwelms - soveel name, dosyne en nogmaals meer
dinge geneem deur die waansin, sonder keer!
Diefstal tot gevolg 'n koue donker sel
onregte gepleeg wat mens amper nie oorvertel...
Verkrag, verneder en van jou manlikheid ontneem
vuil, verwerp en van Allerhoogste vervreem...
Als deel van God se plan
diep uitgehaal is hierdie man...

© Madri Cordier
*Geskryf vir 'n vriend wat sy stryd teen dwels en straatlewe oorwin het...