Ek rol jou
soos sagte fudge
oor die tong
van my gedagtes (Camsica)
jy melk-toffie
in die kies
van my siel
wat skoon bolwang
soos ek aan jou
smul suig en kou. ( R )
Jou gemmer-geur
hang jy aan die pelmets
van my hart se vensters
ek teug die laventelbos
van jou jy in
wat ʼn bekende nasmaak
in my mond los. ( Camsica )
Jou fyn sagte vroue-geure
los neusspoorsny-afdrukke
in die onthou-holtes
van my brein
van my hart
en ek volg jou blindelings
op ñ lank gehiberneerde-behoefte
wat jy in my ontwaak. ( R )
Die butterfly-beautiful spoortjies
van jou vingerpunte se voel
stuur sensasie-tintels
wat sensories SOS
deur my lyf
en hoender-vel prikkels
laat my elke sintuig
voorbarig-voorbereid
en smekend op aandag staan. ( Camsica )
Jou sagwarm-vel
se hitte gelei
reguit na my siel
en kombers my hele ek
met ñ gesellige winterkaggel
se cosy gevoel
en die vuur in jou oë
steek brandhout
in die binnekamer
van my hart aan. ( R )
Die snoes-sag
van jou binne-arms
se knus
wang teen my slape
wanneer ek
vreedsaam-teer in jou arms rus
wanneer ek my nek
swaan-slank
aanvlei teen jou bors-
as ek
die ritme
van jou hart voel vibreer
teen my oor
besef ek
dat ek jou nooit wil verloor. ( Camsica )
Jou fyn satyn-hare
sprokie-sprei
oor my bors -
kielie my maag
dan stil jy
my lawwe giggels
met vlinder-soene
wat tyd vertraag
en my hart se ritme versnel. ( R )
Diep in die aarde
van jou oë se siel
sien ek
voel ek
ervaar ek
’n soutkorrel oomblik
‘n oomblik
vir altyd. ( Camsica )
( ħ Camsica & Rudi Coetzer
16/07/2011 23h23 )
soos sagte fudge
oor die tong
van my gedagtes (Camsica)
jy melk-toffie
in die kies
van my siel
wat skoon bolwang
soos ek aan jou
smul suig en kou. ( R )
Jou gemmer-geur
hang jy aan die pelmets
van my hart se vensters
ek teug die laventelbos
van jou jy in
wat ʼn bekende nasmaak
in my mond los. ( Camsica )
Jou fyn sagte vroue-geure
los neusspoorsny-afdrukke
in die onthou-holtes
van my brein
van my hart
en ek volg jou blindelings
op ñ lank gehiberneerde-behoefte
wat jy in my ontwaak. ( R )
Die butterfly-beautiful spoortjies
van jou vingerpunte se voel
stuur sensasie-tintels
wat sensories SOS
deur my lyf
en hoender-vel prikkels
laat my elke sintuig
voorbarig-voorbereid
en smekend op aandag staan. ( Camsica )
Jou sagwarm-vel
se hitte gelei
reguit na my siel
en kombers my hele ek
met ñ gesellige winterkaggel
se cosy gevoel
en die vuur in jou oë
steek brandhout
in die binnekamer
van my hart aan. ( R )
Die snoes-sag
van jou binne-arms
se knus
wang teen my slape
wanneer ek
vreedsaam-teer in jou arms rus
wanneer ek my nek
swaan-slank
aanvlei teen jou bors-
as ek
die ritme
van jou hart voel vibreer
teen my oor
besef ek
dat ek jou nooit wil verloor. ( Camsica )
Jou fyn satyn-hare
sprokie-sprei
oor my bors -
kielie my maag
dan stil jy
my lawwe giggels
met vlinder-soene
wat tyd vertraag
en my hart se ritme versnel. ( R )
Diep in die aarde
van jou oë se siel
sien ek
voel ek
ervaar ek
’n soutkorrel oomblik
‘n oomblik
vir altyd. ( Camsica )
( ħ Camsica & Rudi Coetzer
16/07/2011 23h23 )
- Attachments
- Oomblik vir altyd 37 foto.JPG
- You don't have permission to download attachments.
- (248 Kb) Downloaded 0 times