FreeStyle

Would you like to react to this message? Create an account in a few clicks or log in to continue.

    Mymering

    AmmieMoon
    AmmieMoon


    Location | Ligging : Saldanhabaai
    Posts | Bydraes : 413
    Points | Punte : 689
    Join date | Datum aangesluit : 2011-08-28
    Age | Ouderdom : 25

    Mymering Empty Mymering

    Post by AmmieMoon Sat 03 Sep 2011, 3:19 pm

    soos sy faal om branders se tuimel-rol te stu
    silwersulfiet uit vroeë oggendure te haal,
    wend sy haar na ooptes waar skadu's nie
    teen bleekdag se lyne ets nie;

    hurk in sandduine se boggelrûens,
    vroetel tone tussen eva se prehistoriese spore -
    steeds verstom dat die mens se merk
    hier begrawe lê

    arms gevou om geboë hoof
    begin sy aan dun repe van onbewaakte ure kloof,
    afwisselende leegheid en euforie
    wat sy beurtelings uithang vir lug en lig

    hier deps sy volmaakte skulpies
    en glad gespoelde klippies vir later se
    kaktus formasies in haar blomarm tuin -
    steeds aan't wonder waarom kleur
    uit haar goedversorgde binnehof verdwyn

    as rooidag haar veel later
    vrou-alleen teen skuinstes van hoogwatervlekke vind
    skyn sy immer weerloos
    weerloos soos 'n kind.


    © 2011 Almarie Truter.

      Current date/time is Fri 29 Mar 2024, 12:44 am