mea culpa

self
het ek nie
die hande gekeer nie
self
het ek nie
die kinders beskerm nie
self
het ek nie
oues en siekes gewas en gevoer nie
self
het ek die tyd
deur my vingers voel vloei,
mea culpa

self
het ek nie
dominees berispe nie
self
het ek nie
gierigaards verkla nie
self
het ek nie
konings gekniehalter nie
self
was my oë soms groen
en het ek die woorde en die doen
in my hart voel stol,
mea culpa

vir ander
het ek nie
teen die duiwels debatteer nie
vir ander
het ek nie
vuil koppe en monde gewas nie
uit ander
het ek die bloed
oor die skerm sien vloei
en ook langs die Via Dolorosa
tot ek my voete daarin kon was
en ek hét,
sien Sy Bloed op my
vergewe my
Pa
mea culpa

© Torm 2011

Donder my hart nou teen my ribbekas....'n Uitstekende skrywe uit jou pen en 'n moet-lees-sosiale-kommentaar-vers !

Dankie vir die moeite om die ou gedig te lees en die enigste kommentaar daarop te skryf. Verder openbaar jy buitengewone sosiaal-morele insig vir iemand wat volgens jou profiel net 13 jaar oud is :-) Ek dink dis 'n jok. Volgens jou foto is jy minstens 23.