Drome

    Share
    avatar
    Torm

    Location | Ligging : Donker Afrika
    Posts | Bydraes : 260
    Points | Punte : 465
    Join date | Datum aangesluit : 2011-09-16
    Age | Ouderdom : 60

    Drome

    Post by Torm on Sun 08 Jan 2012, 1:39 pm

    I
    ek’t gedroom ek moes skool toe jaag
    laat gekom soos altyd
    die deur was toe, daar was ʼn desperate gehamer
    die onderwyser wou uit
    en die kinders wou in

    II
    in ʼn droom ry iemand deur die platteland
    daar was in die middel van dorre veld
    ʼn skoorsteen waarin gas verbrand

    III
    in ʼn droom het iemand ʼn hond raakgery
    sy maag en binnegoed was oor die pad versprei:
    swart bloed op wit strepe
    en op die bitumien het ek gedink ek sien
    ʼn half-geëete babahand
    wat bleekwit uitreik na die son

    IV
    ek’t gedroom ek moes werk toe jaag
    laat gekom soos altyd
    gelukkig het al die horlosies gaan staan
    die hysbak ook
    toe’t ek en ʼn boemelaar pyp gestop
    en gestook
    om die reuk van vier lyke te besweer

    V
    toe ek dink ek is weer wakker
    stap ek uit na die tuin
    selfs die hond was oorgewig
    tussen swermende onkruid
    en ʼn verlate ystermyn
    dun geknakte stokkies was
    tussen dak en vloer in gewig

    VI
    in ʼn droom was iemand met die kop van ʼn hond
    besig om ʼn toespraak te maak
    die geblaf was betekenisloos vir my
    intussen het mans met maskers die hek oopgesny
    en my in die huis op die toilet betrap
    met my broek op my knieë het ek gegil
    maar skielik was dit gelukkig
    nie meer ek nie

    VII
    maar dit alles was net ʼn droom
    en ek droom en droom en droom
    want ek word nie weer wakker nie

    © Torm 2012
    avatar
    Claira Summers

    Location | Ligging : Naboomspruit
    Posts | Bydraes : 347
    Points | Punte : 489
    Join date | Datum aangesluit : 2011-09-25
    Age | Ouderdom : 43

    Re: Drome

    Post by Claira Summers on Sun 08 Jan 2012, 8:08 pm

    Hierdie is aangrypend, baie interessante vers. Scary eintlik.
    avatar
    Torm

    Location | Ligging : Donker Afrika
    Posts | Bydraes : 260
    Points | Punte : 465
    Join date | Datum aangesluit : 2011-09-16
    Age | Ouderdom : 60

    Re: Drome

    Post by Torm on Sun 08 Jan 2012, 9:22 pm

    Baie dankie, Claire, vir jou inloer hier en elders. Ek waardeer dit.
    avatar
    Rudi Coetzer

    Location | Ligging : Jakarandastad
    Posts | Bydraes : 1071
    Points | Punte : 2214
    Join date | Datum aangesluit : 2011-09-03
    Age | Ouderdom : 51

    Re: Drome

    Post by Rudi Coetzer on Mon 09 Jan 2012, 8:15 pm

    111 is die toppunt.
    en verdien om n alleenstaande werk te wees.
    met eie titel.

    Sponsored content

    Re: Drome

    Post by Sponsored content


      Current date/time is Sat 23 Sep 2017, 9:13 am