een roosboom

    Share
    avatar
    Torm

    Location | Ligging : Donker Afrika
    Posts | Bydraes : 260
    Points | Punte : 465
    Join date | Datum aangesluit : 2011-09-16
    Age | Ouderdom : 60

    een roosboom

    Post by Torm on Sat 07 Jan 2012, 8:09 pm


    Dit is goed dat sterk takke spleet
    dit maak dubbel soveel
    groeipunte
    dubbel soveel
    blomstingels
    en wanneer die tyd reg is
    ontvou elk’ knop kragtig
    in verruklik
    gekleurde
    blomblare wat aanhou oopmaak
    asof die hemel self heerlik
    binne-in vorm aanneem
    om ontbloot te word
    as die blom maar net kon aanhou.

    Maar nog nie vir die kleinste boompie
    in hierdie park van rose nie
    sy takke dra skaars krag om enkel blom te maak
    dan spleet dit al
    nog twee verskrompelde stingeltjies
    wat elkeen sy eie blom wil maak
    en sodra dit lyk asof dit dalk kan
    dan
    verdeel dit weer
    en is die jaar dalk wonder-goed
    maak dit enkel’ knop
    die hele plant in barensnood
    om een blom oop te stoot
    amper dood
    met die hemelse belofte bevlek
    te klein om bye aandag te trek
    en in die somerheet verskrompel
    tot oneetbare saadknop
    rooi gevlam asof bloed gedompel
    en teen snoeityd hou dit op
    want elke tak wat apart en swak sy saak verpand
    word afgesny en verbrand.

    © Torm 2011
    Is ons as subspesie verdoem om te vertak, mekaar aan te val en so die toekoms van die hooftak te verpand voordat ons belofte tot werklikheid kan groei?

      Current date/time is Sat 22 Jul 2017, 7:45 pm