Vriende

vannag is die slaap net weg
nie oor skuld of kommer
maar gedagtes wat vêr loop
ek sou graag in jou arms wil lê
en hoor hoe jy ritmies asem
nes Saldanha klein branders
wat rustig breek
dan bruis
glimmend in volmaanlig
op ’n smal wit strand

maar vannag is daar name
van vriende wat klingel
meer werd as munte van goud
as hul bons in kollektebordjie
uit geheuebrokke van vêr
sou ek hul graag een vir een
in maanlig stal
van waar
in wit lig se suiwer
ek glinster kan sien

vannag as die slaap weg is
weet ek van ’n rykdom
te groot vir my om te meet
waar syfertel nie waarde kan gee
maar waar drome groter kan loop
kuier net weer lekker is
of net kak praat
of net
sit en saam peins oor nou
met vertrou by jou

Dagse TT,

Rondrol wakker le en top issi lekker nie veral as n mens verlang!

waar drome groter kan loop
kuier net weer lekker is
of net kak praat
of net
sit en saam peins oor nou
met vertrou by jou

Ek hoop jy kom gou uit by daardie kuier!

SWERWER

stem Swerwer, maar die kuier gedeelte bly darem die lekkerste,gedagtes goed uiteengesit