Somerson

    Share
    avatar
    Torm

    Location | Ligging : Donker Afrika
    Posts | Bydraes : 260
    Points | Punte : 465
    Join date | Datum aangesluit : 2011-09-16
    Age | Ouderdom : 60

    Somerson

    Post by Torm on Fri 16 Dec 2011, 11:11 am


    lug-spoke dans daar op die dak
    dans-dans op elke stukkie sink en teer
    gaap-gaap kraaie, trap-trap miere in die son

    ek sien
    die honde hyg behoorlik en
    ek hoor
    sonbesies skrou irriterend en
    ek ruik
    stof raak droog en warrel oral rond
    ek weet
    ʼn El-Nino somer trap Suid-Afrika
    ek vlug
    na water en koelte en lugversorging
    ek smag
    na vergifnis uit die wolke
    ek wens
    die herfs kom red ons
    ek sug
    as ek dink
    wat laas winter kon gewees het
    soveel goeie dinge kon gedoen word
    voor die son ons weer so
    kaal
    ontbloot het
    maar

    lug-spoke dans daar op die dak
    dans-dans op elke stukkie sink en teer
    gaap-gaap kraaie, trap-trap miere in die son
    - verbeel my ek sien al die vlamme van verderf wat lek -
    dis onbedaarlik hittig
    hier in die somerson


    © Torm 2010

      Current date/time is Sun 19 Nov 2017, 4:28 am