vanaand wil ek jou teen 'n kruis vasspyker
vanaand wil ek jou bloed sien loop
jou trane sien verander in suur
jou gesig skend
jou swart hart sien wegwaai
soos as in die wind
vanaand wil ek jou klaagliedere nie hoor
wil ek nie meer luister
nie meer omgee
want ek is moeg
vanaand is anders as gister
my oor het doof geword
my hart soos steen
my liefde haat
want jy is die hoer
van my laatnag dooie sweet
ek doof die kers
waar ek nou hier in die donker
na niks en nêrens staar
my hand bewe minder
want ek het laat gaan
jou hart laat los
wat eens net myne was
ek het laat los
nou,
hier in die donker
waar dood betekenis aanneem
en vrede my wegneem na ou spore
wat sirkel om 'n kruis
en die bedding van 'n leë graf
ek is stil
ek is rustig
ek is een…
BennyB
©12/12/2011 Barend Booysen