Ek bevind my
midde-in die verkeerde seisoen
as somerson , wagtend om oor jou te skyn
en soos ñ goeie feëtjie betaam vermy
jy my en glip van skadu-kol na skadu-kol
sagvoets en stil .
Voor die wolk voor my verdwyn
sig-sag jy ongesiens
in jou winterhart gekeer –
na ñ plek waar jy elke hoekie
en draaitjie ken
soos die palm van jou hand
na ñ plek waar jy
buite sig van my kan skuil .
En wanneer ons dag
wolkloos raak
en my strale
warm soek na jou
is daar plekke
in jou winterhart se woud
net te ruig vir my
om deur te dring .
Wanneer aand se donkerkombers
lafenis vir jou bring
kom jy selfversekerd
uit jou skuiling uit
en verdwyn die nag in
terwyl ek aan die anderkant
van die aarde
wag vir aand se donkerkombers
om hoop vir my te bring .
( 30/01/2011 21h49 )
midde-in die verkeerde seisoen
as somerson , wagtend om oor jou te skyn
en soos ñ goeie feëtjie betaam vermy
jy my en glip van skadu-kol na skadu-kol
sagvoets en stil .
Voor die wolk voor my verdwyn
sig-sag jy ongesiens
in jou winterhart gekeer –
na ñ plek waar jy elke hoekie
en draaitjie ken
soos die palm van jou hand
na ñ plek waar jy
buite sig van my kan skuil .
En wanneer ons dag
wolkloos raak
en my strale
warm soek na jou
is daar plekke
in jou winterhart se woud
net te ruig vir my
om deur te dring .
Wanneer aand se donkerkombers
lafenis vir jou bring
kom jy selfversekerd
uit jou skuiling uit
en verdwyn die nag in
terwyl ek aan die anderkant
van die aarde
wag vir aand se donkerkombers
om hoop vir my te bring .
( 30/01/2011 21h49 )