Ek onthou
toe ek en jy pasgetroudes was
hoe jy al giggelend
op ons wittebroods-nag
deur ons huisie gehol het
( blaker en kers in die hand )
ek kaalgat agterna
net met my wit sokkies aan
( later daardie nag
het jy in my oor gefluister
dat dit gelyk het of ek
al agter jou aan sweef ) .
Alles was mooi
alles was reg .
Ek onthou
hoe jy later so baie gelag het
dat jy sommer in die middel
van ons kombuisie
op die plankvloer neergesyg het
te uitasem om verder te hol
( ons het nie eers geld gehad
vir ñ kombuis-stelletjie nie )
en hoe ek net soveel gehyg het
toe ek voor jou neerval
met my kop
op jou skoot gaan lê het
en jy jou vingers
deur my hare getrek het .
Alles was mooi
alles was reg .
Ek onthou
hoe dit later daardie aand
begin reën het
hoe ons styf teenmekaar
op ons tweedehandse-driekwartbed
gesnoes het
ek my neus in die soetsag
van jou nek gebêre het
en ons soos kinders
na die reën
se opgewonde hartklop
op die dak geluister het .
Alles was mooi
alles was reg .
Ek onthou
hoe die natuur ons begelei het
hoe die een ding
na die ander gelei het
hoe ons ons huweliksnag
vreugdevol volbring het .
Alles was mooi
alles was reg .
Ek onthou
dat ons toe net bywoners was
hard moes werk vir die dak oor ons kop
en ons daaglikse brood
maar dat alles mooi was
en dat alles reg was
want ons het mekaar gehad .
Ek onthou
dat jy daardie nag
( ons huweliksnag )
swanger geraak het
ek onthou
die warm somers-middag
( ek was in die lande besig om te ploeg )
hoe jy al met die stofpad langs
aangehardloop gekom het -
uitbundig en heeltemal
uit jou vel uit .
Ek onthou
die blydskap in jou oë
toe ek so bokspring en lag en skreeu
toe jy my uitasem vertel jy is swanger
en hoe ons net daar
liefde gemaak het
met die vars nat rooigrond
wat aan ons lywe klou .
~ ~ ~ ~
Ek maak my oë oop .
Alles voel skielik so onwerklik –
so lank gelede .
My kleinseun
pluk aan my mou :
“ Kom Oupa, dit raak laat , ons moet ry .
Ons het nog ñ langpad huistoe . ”
Ek klem my kierie stywer vas
draai om en stap
met ñ swaar gemoed kar toe .
“ Hoe oud was Ouma
toe Pappa gebore is
en sy dood is ? ”
“ Ouma was negentien ”
antwoord my enigste seun
ongeduldig deur die motorruit .
( 12/12/2011 22hh12
>>Fotograaf : Chantelle Visser )
toe ek en jy pasgetroudes was
hoe jy al giggelend
op ons wittebroods-nag
deur ons huisie gehol het
( blaker en kers in die hand )
ek kaalgat agterna
net met my wit sokkies aan
( later daardie nag
het jy in my oor gefluister
dat dit gelyk het of ek
al agter jou aan sweef ) .
Alles was mooi
alles was reg .
Ek onthou
hoe jy later so baie gelag het
dat jy sommer in die middel
van ons kombuisie
op die plankvloer neergesyg het
te uitasem om verder te hol
( ons het nie eers geld gehad
vir ñ kombuis-stelletjie nie )
en hoe ek net soveel gehyg het
toe ek voor jou neerval
met my kop
op jou skoot gaan lê het
en jy jou vingers
deur my hare getrek het .
Alles was mooi
alles was reg .
Ek onthou
hoe dit later daardie aand
begin reën het
hoe ons styf teenmekaar
op ons tweedehandse-driekwartbed
gesnoes het
ek my neus in die soetsag
van jou nek gebêre het
en ons soos kinders
na die reën
se opgewonde hartklop
op die dak geluister het .
Alles was mooi
alles was reg .
Ek onthou
hoe die natuur ons begelei het
hoe die een ding
na die ander gelei het
hoe ons ons huweliksnag
vreugdevol volbring het .
Alles was mooi
alles was reg .
Ek onthou
dat ons toe net bywoners was
hard moes werk vir die dak oor ons kop
en ons daaglikse brood
maar dat alles mooi was
en dat alles reg was
want ons het mekaar gehad .
Ek onthou
dat jy daardie nag
( ons huweliksnag )
swanger geraak het
ek onthou
die warm somers-middag
( ek was in die lande besig om te ploeg )
hoe jy al met die stofpad langs
aangehardloop gekom het -
uitbundig en heeltemal
uit jou vel uit .
Ek onthou
die blydskap in jou oë
toe ek so bokspring en lag en skreeu
toe jy my uitasem vertel jy is swanger
en hoe ons net daar
liefde gemaak het
met die vars nat rooigrond
wat aan ons lywe klou .
~ ~ ~ ~
Ek maak my oë oop .
Alles voel skielik so onwerklik –
so lank gelede .
My kleinseun
pluk aan my mou :
“ Kom Oupa, dit raak laat , ons moet ry .
Ons het nog ñ langpad huistoe . ”
Ek klem my kierie stywer vas
draai om en stap
met ñ swaar gemoed kar toe .
“ Hoe oud was Ouma
toe Pappa gebore is
en sy dood is ? ”
“ Ouma was negentien ”
antwoord my enigste seun
ongeduldig deur die motorruit .
( 12/12/2011 22hh12
>>Fotograaf : Chantelle Visser )
- Attachments
- Fd-uitdaging 2.jpg
- You don't have permission to download attachments.
- (92 Kb) Downloaded 3 times